ഡോക്യുമെന്ററി സിനിമ സംവിധയകനാണ് രാംദാസ് കടവല്ലൂർ. ഡൽഹി ആസ്ഥാനമായുള്ള ക്ലോൺ സിനിമ ആൾട്ടർനേറ്റീവിന്റെ സ്ഥാപകൻ. മലയാള മനോരമയിൽ പത്രപ്രവർത്തകനായി തുടക്കം. 2003 മുതൽ ഒരു ദശകത്തിലധികം ഡൽഹിയിലെ ഓൾ ഇന്ത്യ റേഡിയോയിൽ വാർത്താ അവതാരകനായിരുന്നു. രണ്ടു ഡോക്യുമെന്ററി സിനിമകൾ സംവിധാനം ചെയ്തു. ഫെഡറേഷൻ ഓഫ് ഫിലിം സൊസൈറ്റീസ് ഓഫ് ഇന്ത്യ നടത്തുന്ന SiGNS ഫിലിം ഫെസ്റ്റിവലിൽ മികച്ച ഡോക്യുമെന്ററിക്കുള്ള ഫെഡറേഷൻ പുരസ്കാരത്തിന് അർഹമായ ആദ്യ സിനിമയായ 'മണ്ണ്: Sprouts of Endurance' എന്ന ചിത്രം, IDSFFK, ധാക്ക അന്താരാഷ്ട്ര ചലച്ചിത്രോത്സവം, നേപ്പാൾ കൾച്ചറൽ ഫിലിം ഫെസ്റ്റിവൽ, UW- Madison South Asian Conference തുടങ്ങിയ നിരവധി അന്താരാഷ്ട്ര ഫെസ്റ്റിവലുകളിൽ സെലക്ട് ചെയ്യപ്പെട്ടു. മായാ എയ്ഞ്ചലോയുടെ Still I Rise എന്ന കവിതയിൽ നിന്ന് പ്രചോദനം ഉൾക്കൊണ്ടു കൊണ്ട് ചെയ്ത രണ്ടാമത്തെ സിനിമയായ Beyond Hatred and Power, We Keep Singing, ജാഫ്ന അനന്താരാഷ്ട്ര ചലച്ചിത്രോത്സവം, IDSFFK, ബാംഗളൂർ ക്വിയർ ഫിലിം ഫെസ്റ്റിവൽ, കൽക്കട്ട LGBTQIA+ ഫിലിം ഫെസ്റ്റിവൽ, ചെന്നൈ ഇന്റർനാഷനൽ ഡോക്യുമെന്ററി ഫെസ്റ്റിവൽ തുടങ്ങിയ ഫെസ്റ്റിവലുകളിൽ തെരഞ്ഞെടുക്കപ്പെട്ടു.