സിനിമാ നിരൂപകൻ, ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്‌സേഷനിൽ അസോസിയേറ്റ് പ്രൊഫസർ, ഡോക്യുമെന്ററി സംവിധായകൻ എന്നീ നിലകളിൽ പ്രശസ്തനായ സി.എസ്. വെങ്കിടേശ്വരൻ മികച്ച സിനിമാ നിരൂപണത്തിനും, ഡോക്യൂമെന്ററിക്കും ദേശീയ പുരസ്‌കാരങ്ങൾ നേടിയിട്ടുണ്ട്. സിനിമയെക്കുറിച്ച് മലയാളത്തിലും, ഇംഗ്ലീഷിലും നിരവധി ലേഖനങ്ങളും, പുസ്തകങ്ങളും എഴുതി. ഉടലിന്റെ താരസഞ്ചാരങ്ങൾ, മലയാളിയുടെ നവമാധ്യമജീവിതം, നമ്മെയൊക്കെയും ബന്ധിച്ച സാധനം - ടെലിവിഷൻ പഠനങ്ങൾ, സിനിമാടിക്കറ്റ്, രവീന്ദ്രന്റെ തിരക്കഥകൾ (എഡി), ഇനി വെളിച്ചം മാത്രം - ഫെർണാണ്ടോ സൊളാനസിന്റെ സിനിമയും ദർശനവും, എ ഡോർ ടു അടൂർ (എഡി) എന്നിവയാണ് പ്രധാന പുസ്തകങ്ങൾ. 2018 ൽ താരസംഘടനയായ 'അമ്മ' യുടെ സ്ത്രീവിരുദ്ധ നിലപാടുകൾക്കൊപ്പം നിന്ന മോഹൻ ലാലിനെ കേരള സംസ്ഥാന ചലച്ചിത്ര അക്കാദമിയുടെ മുഖ്യ അതിഥിയായി ക്ഷണിച്ചതിൽ പ്രതിഷേധിച്ച് ചലച്ചിത്ര അക്കാദമിയിൽ നിന്ന് രാജി വെച്ചിരുന്നു.