ശ്രദ്ധേയനായ ചെറുകഥാകൃത്തും നോവലിസ്റ്റും. വായില്യാക്കുന്നിലപ്പൻ, കഥകൾ, നഷ്ടക്കണക്കുകാർക്ക് ഒരു ജീവിതസഹായി എന്നീ ചെറുകഥാസമാഹാരങ്ങളും പ്രണയം-1024 കുറുക്കുവഴികൾ (ജി.എസ്.ശുഭയോടൊത്ത്), നിലവിളിക്കുന്നിലേക്കുള്ള കയറ്റം, കാളിദാസന്റെ മരണം എന്നീ നോവലുകളും, നീറങ്കൽ ചെപ്പേടുകൾ എന്ന നർമ്മാഖ്യായികയും ചെന്നൈ : വഴി തെറ്റിയവരുടെ യാത്രാവിവരണം എന്ന കവിതാസമാഹാരവും പ്രസിദ്ധീകരിച്ചു. വാർത്താളി-സൈബർ സ്പേസിൽ ഒരു പ്രണയനാടകം എന്ന മലയാളത്തിലെ ആദ്യത്തെ സൈബർ കഥ ചിത്രസൂത്രം എന്ന പേരിൽ ചലച്ചിത്രമായി. ആനുകാലികങ്ങളിലും സാമൂഹ്യ മാധ്യമങ്ങളിലും സജീവമായി എഴുതുന്നു.