തസ്‌റാക്കിൻ്റെ മണ്ണും, കാർട്ടൂൺ വരയുടെ രണ്ടു കാലങ്ങളും

ഈ സംഭാഷണത്തിൽ പലയിടത്തും പ്രശ്നങ്ങളുണ്ട്. ഏറ്റവും വലിയ പ്രശ്നമായിത്തോന്നിയത് “കാർറ്റൂണിസ്റ്റ് എന്നത് മാറ്റിനിർത്തിക്കൊണ്ട്” എന്നു തുടങ്ങുന്ന ചോദ്യമാണ്. അപ്പോൾത്തന്നെ ഉണ്ണി മറുപടി പറയുന്നുമുണ്ട്: “കാർറ്റൂണിസ്റ്റ് എന്നത് മാറ്റിനിർത്താൻ എനിക്ക് ബുദ്ധിമുട്ടാണ്.”

ഒരു കാർറ്റൂണിസ്റ്റിനെ സംഭാഷണത്തിനു വിളിച്ചിട്ട് കാർറ്റൂണിനെ മാറ്റിനിർത്തി സംസാരിക്കണമെന്നുപറയുന്നത് ഏതുതരം യുക്തിയാണെന്നോ ഏതുതരം മര്യാദയാണെന്നോ മനസ്സിലാകുന്നില്ല. 

മറ്റുള്ളവർ വായിക്കുന്നതുപോലെതന്നെയാണ് വിജയന്റെ സാഹിത്യകൃതികൾ വായിക്കുന്നത് എന്ന് ഉണ്ണി ഈ സംഭാഷണത്തിന്റെ തുടക്കത്തിൽ പറയുന്നത് എന്ന് ഓർമ്മിക്കുമ്പോൾ ഇത് ഒന്നുകൂടി മനസ്സിലാകുന്നില്ല.

ഒരു കാര്യം മനസ്സിലാകുന്നുണ്ട്: വിജയനെപ്പറ്റി സംസാരിക്കുമ്പോൾ കാർറ്റൂണിസ്റ്റിനെ മാറ്റിനിർത്താനാണ് മലയാളി പൊതുവെ ഇഷ്ടപ്പെടുന്നത്.