ഗെയിൽ ഓംവെദ്: ജാതിയെന്നാൽ വർണവിവേചനം തന്നെയെന്ന് ഉറക്കെപ്പറഞ്ഞ സാമൂഹ്യ ശാസ്ത്രജ്ഞ
ദളിത് ചരിത്ര മാസമാണ് ഏപ്രിൽ. 2013 ൽ ഒരു സംഘം യുവ വനിതാ ദളിത് പ്രവർത്തകർ അമേരിക്കയിലെ ബ്ലാക്ക് ഹിസ്റ്ററി മന്ത് എന്ന സങ്കൽപ്പത്തിൽ നിന്ന് പ്രചോദനം ഉൾക്കൊണ്ട്, ഏപ്രിൽ മാസത്തെ ദളിത് ചരിത്ര മാസമായി ആചരിക്കാൻ ആഹ്വാനം ചെയ്തു. ദി ഐഡം ഈ വർഷത്തെ ദളിത് ചരിത്ര മാസാചരണത്തിൽ പങ്കുചേരുകയാണ്. ഒപ്പം അടുത്തിടെ നമ്മെ വിട്ടു പിരിഞ്ഞ സാമൂഹ്യ ശാസ്ത്രജ്ഞ ഗെയിൽ ഓംവെദിനെ ഓർക്കുകയാണ്. അമേരിക്കയിൽ ജനിച്ചു ഇന്ത്യക്കാരിയായി മാറിയ, ദളിത് മുന്നേറ്റങ്ങൾക്കൊപ്പം നിന്നു പോരാടിയ ഗെയിൽ ഓംവെദ്.
